Nordic Lodges býður úrval gæðafrístundahúsa um allt land. Þetta eru í raun heilsárshús sem leigja má hvenær sem er ársins.

Með einni bókun gefur Roof ’n Route kerfið ykkur möguleika á að leigja nokkur frístundahús á mismunandi stöðum á landinu. Með því má stikla úr einu húsi í annað og sjá mikinn hluta landsins með dagstúrum út frá hverju frístundahúsi fyrir sig.

• Holt í Biskupstungum býður upp á sjónarspil á Gullna hringnum, 
• Brekka og Langholt á Hvalfjarðarströnd eru Gullna hliðið að Hvalfirði, Borgarfirði og Snæfellsnesi,
• Þverá á Barðaströnd stendur á krossgötum í verðandi þjóðgarði Vestfjarða, 
• Hamragil í Fnjóskadal opnar aðganginn að öllu Mývatnssvæðinu og Demantshringnum,  ásamt Tröllahringnum vestan Eyjafjarðar, og
• Borgarbrekka í Lóni stendur á þröskuldinum að áhrifaríkustu og fegurstu stöðum Suðausturlands.

Lágmarks leigutími hvers sumarhúss fyrir sig eru 3 nætur.